بسآم..تعآل..لملم بقــايآ إنسآن ! - منتديات نكهة نت
  التسجيل   التعليمـــات   قائمة الأعضاء   التقويم   اجعل كافة الأقسام مقروءة
http://www.up.nkh5.com/uploads/www.nkh5.com14352880331.jpg
 
فعاليات المنتدى
روابط مهمة :  استرجاع كلمة المرور| طريقة التسجيل بالمنتدى| تفعيل العضوية | التسجيل بالمنتدى | جديد المنتديات
 
!~ آخـر مواضيع المنتدى ~!
إضغط علي شارك اصدقائك او شارك اصدقائك لمشاركة اصدقائك!


القرآن الكـريم الصوتيات الفلاشـات الالعاب جديد الصور اليوتيوب توبيكات وسائط MMS دليل المواقع مـركز تـحميل الصور
العودة   منتديات نكهة نت > النكهة الأدبية > قصص - حكايات - روايات - Stories - Novels

« السر بشهر العسل | بسآم..تعآل..لملم بقــايآ إنسآن ! | الحق ما تلحق ( أتحـداك تقرأ ومـأتضحك.....! ) ,,, »

إضافة رد
 
LinkBack أدوات الموضوع انواع عرض الموضوع
رقم المشاركة : ( 1 )
الصورة الرمزية » لَمْسَـٍـٍـٍـٍٍـﮧ حنـٍـٍـٍآרּ ••
 
.:: ع ـضو مبدع ::.
» لَمْسَـٍـٍـٍـٍٍـﮧ حنـٍـٍـٍآרּ •• غير متواجد حالياً
 
رقم العضوية : 7
تاريخ التسجيل : Sep 2009
مكان الإقامة : في آآرز الله الوآآسعــه
عدد المشاركات : 855
عدد النقاط : 21
قوة التقييم : » لَمْسَـٍـٍـٍـٍٍـﮧ حنـٍـٍـٍآרּ •• is on a distinguished road
26 بسآم..تعآل..لملم بقــايآ إنسآن !

كُتب : [ 12-31-2009 - 08:46 PM ]


\


قصه ع لسان صاحبهآ ( حقيقيه وبالصور )

ولأني شفت انها طويلة حطيتها اجزاء

( الجزء الأول )
:

7

سـلآم عليكم و رحمة الله و بركآته ...

.
.

في البدآيه ارحب فيكـم جميعاً ..

في صفحتـي هـذه ..


أتمنـى تكونـو بـ ألف صحـه و سلآمــة .. !
.
.
.
.
.


أمممم .. رآح ابدا سرد كلآمي .. بدون مقدمآت

قبل سنتين تقريبا .. بدأت ألقـب نفسي .. بـ " المحطــم " ..

في منتدى .. او بالمســن .. او بـ بلوتووث .. او ... إلخ .. !

ملازمني في كل تحركآآتي ..

كثيــرووون ..!! يسألون ..

( ليه متحطم ؟؟ ليه متشائم ؟؟ ليه أتشووف الدنيا سوودا !! ليه و ليه و ليه ...... )

و أسأله كثيرة وربي أتعب منهاا ..

و أقـول .. لآبد من شــي يحطم القلب .. مهما نفيــت .. مهمآآ كآآبرت .. الدنيــآ تلعـب فيهآآ " الأقدآر " ..

كنت أقول أنا متحطـم .. لـ سبب معيـن ..

و أنتم تجهلـون السبب !

كتبـت هالقصــة .. و كتبت الخواطر .. و صورت الصور ..

أبيـن فيهآآ تقريبـآ .. سبب تسميتـي بـ هذا الاسم ..

و منها .. أفك من أسئلة الكثير .. لمن يعرف شخصيتي .. و لمن لا يعرفها ...
.
.
.
.
/ بوح خاطر /

.
.
.

بسآم
........ بسآم
................ بسآم
........................ بسآم


إنسان أحبــه بمعنى الكلمه ..
لا لـ لمصلحه دنيويه !
و لا لعشق مفرط !
ولا لـ تضييع وقت .. وغيرة ..

.. أخ .. أحببته في الله ..
محبة عظيمــه .. كبيــرة .. ما تقااس ..

أسرني بـ حبه و رآح ! و تركني تآيه بـ سمااا عشقــه ..

أحبــــه !
أحبــــه !
إيه أحبه حب ما ينتهي .. و لو لم يكن موجود !!

.
.

بســآم ..

كل دقة بقلبي .. تنطق أسمك ..
ليتك تسمعهاا و تشوف مقدار الحب اللي أكنه لك .. و كثر الغـــلا اللي احمله لك .. فـ حشاي ..

تعــــال ...

تعـال .. لملم بقايآ إنسان ..
تناثر همه .. و حزنه .. بكل مكآن ..

تبي الصرآحه ..
من فرآقك .. فقدت لذة الرآحه ..

تبي .. الحقيقه ..
بعدك .. والله مآ أطيقه ..

هذي الحقيقــة !!
دليلها .. أشواقي الآكيــدة !!


تعــــآل ..
تعــال نعيد ايامنا الحلوة ..
ايام العيد .. والسواليف ..
و الوناسه ..
وقلة التكاليف ..

تعال .. جدد ايامنا ..
افتح صفحة ماضينا ..
و حياتنا ..

تعــــال .. إمسح دموع تنزل من عيون فقدتك ..
تتمنى شوفتـك ..
تنزف دم ! لا " ذكرتك " ....

تعال .. تعـــال .. ت ع ا ل . . . .

.
.

/ نبــذة /

بسام .. ولد .. ما تهنى بحياته ..
تمنيت لو المصايب فوقي ولا تكون عليه .. عاش حياة صعبه بالحيل ..
والله لا يسامح .. من كان السبب في تعكير حياته .. و شبابه ..

بسام .. وش اقول عنه .. وش أخلي .. لو بكتب وأكتب .. تخلص الصفحات .. وينشف الحبر .. ولا أوفيه حقه ..
انســــان بالنسبة لي .. كــامــل بحق ! والكامل وجة الله سبحانه ..
واضح .. صريح .. شفاف يبان اللي جوا قلبه .. نصوح .. ماخذ الدنيــا على سعة الصــدر .. و اهم صفة فيه / التفآئــــل / كنت أغبطه من جد على هالصفة .. نادر الأن .. اشوف واحد في عز مصيبتــه يبتسم و يضحك !!
ما أكذب لو قلت أنه مو وفي و صادق !!
لأن الوفا فيه موجوود .. و نبع الصدق فيه مخلوق ..

فيه حبابـه .. و نقـااوه .. و قلبه كبيــر ..
بالفعــل .. كان مثاال يحتذى به ...
.
وين ما يروح أسلك معــه ..
كل شيء بيننا متقارب .. ذوق و تفكير و أخلاق .. متقاربه ...
.
.
.
.





ويــن رايح .. معــاك !
ويــن ماشي .. معــاااك !
أحبــــك إيه أحبــك !!
معناهـــا ( أودكـ ) !
أودك معناها ( أحبـك )
أعشقــك تعني ( أغليـك )
أغليــك معناهاا ( أعشقـك )
كلهااا معنى سواا ..
دام المحبه وآحدة ..
ما تغيرها معاااني ..!!

تروح يميــن .. أروح يمين !
متماسكيــن .. كل السنيــن !!
روح يســار .. أجيــك يســار !
كالعـــــود ...
متماثليــن مثــل الأوتـــاار ..!!
بعد الغــلا و الحب .... وش صــاار !!
رآحت كل هذي السنيــن ..
زي .. لفحات الغبــــااار !
.
.

/ بدآيــة /

بدأنا سنــة ثاني متوسط ..
مع بعض .. نروح .. نجي ..
ما نتفارق ..
.
.
يــوم ورى يــوم ..
الحال من بعضه ..
و الروتين اليومي يتكرر ..
إلى أن جاااء اليوم .. اللي بدت فيه معاناة .. الغالي ..

.. في المدرسة ..
في حصة الفرآغ .. كنت أكلمه و مو معي ابداا .. مو من عادته ..
لكن ما سألت .. لين ..
تفاجأت لما لاحظت إصفرار وجهة ..
اسأله : سلامــاات وجهك مو طبيعي ..
بسام : إيش .. لاا يتهيأ لك .. طبيعي 100 %
.... وحاول يبتسم ويمزح ..

مشيت الموضوع ..
لكن وجهه .. معتفس ..
و معبس ..
سألته ثانيه : اسألك بالله قولي وش تحس فيه ؟؟؟
بسام : بطني يعورني إشوي بس ..
تفائلت خير .. إن شاء الله شي خفيف ...
جلس حوالي نص سااعه .. و حاط راسه ع الطاوله ..
و قااام فجأه ..
ومسك بطنــه و هو يتألــم .. و يتأوه و عيينه تدمع ..
صار بوقت واااحد فاجأنـي !
أنا خفــت : وش فيييك وش فيه بطنك ؟؟

قال ابطلع .. تعبااان بطني يقطعنــي مااااقدر اتحمل ..
انا : اوديك المستشفى ؟؟؟
بسام : تطلع من المدرسة عشاني ..؟ انا بتصل بأي أحد ...
أنا سكــت وش أسوي .. أعرفه كلمته وحده ما يغيرهاا ...

جلست معه لين طلع ..

بعد ما رآح ...
طول الوقت افكر فيه .. ( راح ولا لا ! لا يكون صآر له شي .. الله يستــر ،، إن شاء الله إنه بخير .. يمكن مجرد ألم )
وعلى هالحال طاقني الهوجاس فيه ...
رآح اليوم سريع ...
اول ما رجعت البيت اتصل عليه ما يرد ..
خفت زيادة .. اتصلت على آخوه .. قالي نايم ..
سألته : هو بخيــــر ؟؟؟
أخوه : وش بلاك مرتبش معه وهو مكبر المخدة ما درا عنك ..
سكرت عنه ...
ومر اليوم و عديت السالفة ..

بكرا بالمدرسه .. اول ما جلست معه .. سألته وش صار معك .. ؟
بسام : وش فيك مهتم ؟؟
انا : جاوب ع قد السؤال ..
بسام يحرك حاجبه : والله و دريت أني غالي ..
انا سفهتــه : رحت المستشفى وش صار معك ؟؟
بسام : سويت تحليل يطلع بعد كم يوم .. و أخذت مسكنآت ...

تجيه آلآم بسيطه بس ما بيـّـن ...

!!

بعد ما طلع التحليل غاب عن المدرسه وخفت يكون فيه شي ...!

أول ما رجعت اتصلت عليه ..
وبعد السلام والسؤال ..
انا : وش فيك غايب ؟؟ مو من عادتك ..
بسام سكت إشوي : التحليل طلع ..
أنا خفت : وش طلع بشــر ..
بسام : صار فيني .. ورم حميد .. لازم عمليه .. بأقرب وقت ....
انا تجمدت .... ما قدرت انطق .. ( وش هالعمليه اللي جت فجأه ! )
جلســت فتره ساكت مو مستوعب ..
بسام : ياهوو وين رحت ..
( صوته هادي جداا )
انا منصدم : ورم و عمليــه ؟ متأكد بساام ؟!
بسام حــزن صوته : إيوه تبيني أكذب بهالأمور ...
أنا سكــت .. وش اقوول ..
بسام : كلها عمليه ان شاء الله بسييطة .. و نسبة نجاحها عالييه ..
انا : لهااالدرجه مااا أهتميت ..
بسام : وسع صدرك بس >> ( رافع همومه ) ..
أنا : راايق مدري قلبك مصنوع من إيش ؟؟.
.
.

سوا العمليه .. ونجحت بفضل الله ...
وقتها كنت بـ هم كبير .. خوفي افقدة ...
لكن الحمد لله .. رآحت و رآح معها الهم ..

بعدها بمدة .. رجعنا للمدرسة .. ومثل ما كنا اووول .. ولا كأن شي حاصل ..
مر شهر .. وكل شي تمام ..

لكن يوم ورا يوم لاحظت عليه يعرج .. و كل يوم يبان أكثر !
... يعرج من رجله اليمنى ..
استغربت .. لكن كنت أسلك .. ( يمكن طايح عليها أو شيء ) .. حتى كنت أنتظره يقولي السبب لكن ما فكر يجيب لي طاااري ...

انا : بسام رجلك مجروحه ؟ او طايح عليهاا ؟
بسام : لا ..
أنا : أجل ؟؟
بسام : تعورني ولا ادري وش السبب ..
انا : طيب وش بالضبط يمكن شد عضلي .. او تمزق .. او رضوض ؟؟
بسام : لا ما فيها حاجة .. ما طحت عليها ولا شي .. بس لا وطيت عليها .. تعورني .. ما أتوقع شد عضلي يجلس كم يوم ..
انا : روح المستشفى طيــب ..
بسام : ويييين لا تكبر الموضوع .. كله ألم بسيط ويروح ان شاء الله ..

انا ما اقتنعت بـ كلامه .. يعرج بوضوح كأنه مكسوور ..
انتظرت اسبوع .. اسبوعين .. ومافي أي نتائج . !

ما خف الألم .. الا صار العكس .. زاد عليه دبــل ..

مريت عليه يــوم .. باخذه للمدرسه ..
كان واقف عند الباب ..
وقالي تعال ساعدني ماقدر امشي لحالي ..!
رجله تقريبا ما يحس بهااا ..
يقول يجيها فتره تعورني بقوة .. ومره تخف ولا كأن فيها شي .. ولا ما يحس فيها ابد كأنها مبتورة ..

أصريت عليه يكشف لو كشف بس ..
لأنه ما يمشي الا متمسك بأحد أو بـ جدار او باب او اي شي ..

رضخ للأمر أخيراا ... و كلمت إبوه يقنعه زيادة لأن رااسه يابس ..

بعد ما كشف .. أعطوه مواعيد ومسكنااات ..
كل ما رآح موعد ..
اسأله / بشششر وش يقولون ..
يقولي ... كل التحاليل .. نتيجتها تكون " سليم "

إستغرب .. كل هالألم و سليم !

زهق من المستشفيات و تركهاا ..
كلما رآآح يكون سليم ..

بعد اصرار وحلوف اقتنع يكشف بمستشفيات معروفه وكبيره ..
رآح لكل شي ما خلآ مستشفى إلا وكشف عنده ..
و النتيجه وحــده ( سليــم )

صار ياخذ مسكنات تخفف الآلم ..
لكن أعرج ...
من يشوفه يقول هذا فيه مرض بااتل .. أو هذي خلقته !

مر .. شهر .. شهرين .. ثلاث ...
.

.
خلصت سنــة كآمله ..
نجحناااا وجبنا مجموع حلو ...
أتذكر نسبتي 91 % > كسول
اما بسام 97 % ما شاء الله .. رغم ظرووفة الصحية الصعبة .. و آلآم رجله .. الا انه جاب هالمجموع ..

أما عن رجله يجي اوقات تتعافى و يقدر يمشي .. بس الأغلب .. تكون شبه مشلوله .. ولا يمشي .. إلا بـ عصا ..

بدينا سنــه ثالث متوسط ..
كنت آخذه و نسوي تمارين عشان تخف عليه ..
و فعــلآ كانت تخف عليه كثير ..

مر الوقت .. مرت الآيآم ..
و خلصنا الفصل الأول من ثالث متوسط ...
وتعودنا ع الظروف ..
.
.

اتصل علي السآعه 1 الليل ..
كنت وقتهاا نايم و دآيخ ..
بسام : انا تعباااااان ..
من سمعت صوته .. قمت مفزوع !
انا : بسام عسسسى ماا شر ؟؟؟ وش فيك متصل بهالوقت ؟؟؟
بسام : آســـف أزعجتك .. ( و سكرهااا ) !

حاولت أتصل عليه ما يرد ..
طار النوووم ..
صرت أروح واجي .. مااسك أعصابي ...
و أصعب سؤال بهاللحظه ...
[ وش فيـــه بساااااااااااام ؟؟؟ ]

تغيب عن المدرسة ..
شلت هــم بقووة .. حسيت إنه صار له شي .. أعد الثواني متى تخلص .. عشان اطلع من هالمدرسة و أشوف وش فيه ..

طلعت منهااا و لـ بيته على طول ...
ما أمداني أشوفه .. كان نايم ..

مرت ساعات وانا انتظرة ..
لين أتصل علي ..
رديت على طوووول
انا : صاااااار لك شي ؟؟؟؟؟؟؟
بسام : سلــم اول .. > رايق ..
انا أنفعلت : متصل علي أمس الليل تقوولي تعبان و تسكرهاااا و تغيب عن المدرسة فجأه بدوون لا تقول خووووفتني وش فيــك ؟؟!
بسام : شوي شوي علي أعصابك ..
أنا رفع ضغطي : رد على قد الســؤاال ؟؟
بسام : أبد بس كان بطني يعورني ..
أناا حمقــت : على كيفــك أنــت ؟ تخوفنـــي و آخرتها بطنك يعوورك .. سخييييف ...
بسام : لااا حرام عليك وربي يعورني بقوة .. بغت تطلع روحي ..
انا هديت : لا يكون مثل الورم اللي جاك ؟
بسام : لا تخوفني .. ما أتوقع ..
أنا : طيب نفس الآلااام ؟؟
بسام : تقريبا بس أقوى ...
أنا : طلبتك أكشف بأقرب وقت ...
بسام : رآيح اليوم الصبااح كااشف .. بيطلع بعد أسبوع ....


بعد هالمكآلمه بأسبوع ...
كلمني .. بـ هدووء ..
: كشفت و صار ورم متسرطن في بطني .. بسوي عمليه بعد كم يوم إن شاء الله .. يستأصلونه ..
!!
إيــــش ؟؟؟؟
كل هذا وانا مو مستوعب !
لساااني .. انربط .. ضاااع الكلام .....
: من جــــدك ؟؟
بسام : على بالك بتبلى نفسي وأقول فيني السرطآن وحنا نبي العاافيه منــه .....
انا الصدمه جمدت عقلي ..
أنا : س ر ط ا ا ا ن ؟ ؟
بسام : يقولي .. الدكتور .. ما .. إنتشر ...
ما عرفت أرررد : ..........
بسام حسيته انفعل و تسرع : أنااا أصلاااا مخلوق للتعب و الهم من فتحت عالدنيا وانا تعباان ما عمري تهنيت فيهااااا !؟؟!
أنا إستغربت : لااا تقووول كذا ...
بسام تدارك نفســه : أستغفر الله و أتووب إليـه .. الله يكتب اللي فيه الخير ...
انا : وش هالأوراااام وش السبب ..؟؟
بسام بهدوء : القــدر .. إن شااء الله ربك يسهلهااا .. بس تدعي لي ...
انا : الله يشفيك ويعافيك و يخفف و يرفع عنك ...
وش اقوووول ماااااقول غيــر الله يصبــرك ...
.
.

مرت الآيام ..
يوم العملية ..
رآيح جآآي .. دآخل طآلع .. جآلس قآآعد .. ضآربني التوتر من فووق لـ تحت .. حآآلتي صعبة ذآك الوقت ...
نجحت العمليــة .. قبل ينتشر ..
والحمد لله ..
هدت نفســي و إرتحت و رجعت لي انوار الفرح من جديد .. و الشكر لله ..

تعافى ورجعت صحته زي أول ..
لكن رجله اللي على حآلهااا ..

مرت أيااام وأيااام ..
وكل شي تمااام ..
او على حاله .. إلــى ..
نهاية سنة ثالث متوسط ..
بدت رجله اليسرى .. يتألم منها ...
صار لها .. مثل مآ صآر لـ رجله اليمنــى ...
حاولت معه يكشف ... وضعه مو طبيعي ...!
خفت عليه خووف من بعد الآوراام وهالآلم اللي برجله ..
حآلة غريــب ! لكن ... قدر الله .. و ما شـــآء فعل ..
بعد محآولات .. واصرار ..
كشف ..
و نفس النتيجه ....
( سليــم ) !

!!

تعب من كل شي .. صار يطنش أي علآج .. لأنه ما يطلع معه بـأي نتيجة .. و يقول الشفاء بـ يد الله .. ونعم بااالله ..
و رغم صعب الظروف .. إلآ أنه متفآآئل .. و مو مهتم ..

راح يقرا عند شيوخ .. لكن ما يفيد .. تخف عليـه صح .. لكن ناادر ...

مرت فترة .. عايشين الهم .. و حزن ع اللي يصير له ..
تمنيت أشيل عنه التعب لو شووويه والله لو أتعب عشاانه فداه التعب ..
.
.

حسيت انه يخبي حزنه عنـنـا .. عشان ما ننظر له نظرات شفقة ...

!!

ولا يظهر ضعفة .. بتاتااا ..
لـ درجة إنو إذا أحتاج لـ حاجة أو شيء يجيبه من نفسه من دون ما يأمر أحد ..
أتذكر .. إذا كان يبي حاجه .. ما يأمرني أجيبها له .. هو يقوم من نفسه .. يخدم نفسه بنفسه .. ما يبي يحسسنا بضعفــه ...
مع إنه يتعب بالوقفه و الجلسة .. بس ما يأمر أحد ...

هذا طبعــه ما يبي أحد يشيل همه .. يبي الكل مرتــآح وهذي رآحته مثل ما قآل ..

..

أشتدت الآلام ..
المشي صعب ..
الوقوف صعب ..
الجلوس صعب ..
صآر العكآز رفيق له .. يتعب بالرووحه و الجيه .. صــلآة نادر يصليها بالمسجد ....
حتى الدكتور مستغرب حآلته .. لكنه قآل أنت فيك سبب أو شي ..

حآلآت أحياناا تخف عليه لكن قليل .. ما يمديه يفرح و يتفآئل خيــر ألا و يطيح منها ..

مرت الليالي .. تعودنا ع هالحال .. لين ..
بدينااا أولى ثانووي ..
كل يوم و كل ساعه و كل دقيقه افكر و يجيني إحساس خووف انه بيصير له شي مفاجئ .. مثل الآورآآم .. و آلآم رجليــه ..

نحف .. و نقص وزنه .. ما ياكل إلا إذا أشتد عليه الجوع .. ما يسمع لأحد .. همه بقلبه ولا يتكلم ..
أحاول انفه عنه جوه .. يتكلم عايدي و يسولف و يضحك ! لكن الهم مبين بوجهه ... إذا سألته : متضايق تبي شيء .. محتاج شيء ؟
يستغرب سؤالي و يقول انا ما طلبت شي ليه تسأل ؟؟ ما فيني شي شوف الضحكة ...

أي ضحكة ؟!!
ضحكة مزيفة ؟!!

يوم تهدا نفسيته و يوم تنعدم .. لكن ما يباان كـ العآدة ..

رغم ظروفه الصعبة جدااا .. إلا إنه مجتهد بدرآسته .. و درجآته ممتآزة ..

و مع بعض في هالمرحلة الصعبة .. ملازم له ما أفارقه ..
كنت أحااول ما أخليه يحتآآج لشيء .. و اريحه قدر الإمكآن ..

لكن ع قووولة .. " راحتي إنك ترتاح ما أتعبك "
ما يدري إن راحتي هي إني أشوف الفرح كاسي وجهه و الهم بعيد عنه ..

و تعودنآ ع الآياام ..
و صبرنا ع القــدر الصعب ..
ما أعترض ع القضاااء .. قدر الله وما يشاء يفعل ..
.
.

جاني بسام للبيت .. " صبح الجمعة " أنا يوم الجمعـه دآئما اكون صآحي الصبآآح .. و جا لي بدون لا يقووول ..
استغربت حضورة بالعااادة يحجر نفسه في صومعتة " غرفته " ولا يطلع منهاا إلا بطلعة الروووح ..

أتصل علي ..
بسام : جييتك إفتح الباب ..
أستقبلته بفرررح ابداا ما جا في بآلي إنه بيجي .. انوآع الإستفهامات فوق رآسي ...
.
صباح الخير يا صباح الخير ..
يا أحلى صباح في شوفتـك غير ..
صباح الشوق .. صباح الذوق .. صبآآح لـ شخصك " يلـوق " ..
صباح كله بوجودك يبشر بـ خيــر ..
صبآح لآ حس فيـك يبتهج و يثيـر ..
صباااح يجي بدونك بلآ معنــى يصيــر ..
شاحب كئيـب .. يا معنى كل كلمة صباح الخيــــــر : ).

.
.
جلسناا في غرفة .. تبع الملحق دآيم نجلس فيه أنا وياه .. مذاكرة + سوآلف + نوم .. لهاا ذكريآت حلوه ..
بسام : مستغرب صح ؟
أنا : إي والله وش الطاااري ؟؟؟
بسام : والله حسيت إني فرحآن إشوي .. و رجليني ما آلمتني هاليومين .. قلــت أجي أزورك وش ورآآي ..
انا : يا جعله دووووم العافيه و هالفرحه اللي خلت وجهك ينوور .. هلا بك والله و حيآآك كل يوم تعاااال ..

سوآليف و سوآليف ..
مر الوقت بسرعة ..
قلت له : بروح إشوي أبدل ملابسي و أرجع لك و نطلع .. صبرر بس ..
بسام : أنتظرك بالسيــارة ..
أنا : أساعدك أوصلك ؟
بسام : لا ما يحتااج ..
أنا : درج الملحق صعب عليك ..
بسام : يا رجــال .. الله من مره رقيت و نزلت .. حبكــت يعني هالمره بتساعدني ..؟!
أنا : خلاص لا تعصب برااحتك ...
.
.
رحت و ما طولت ..
لما رجعت .. و انا مااشي له ..
سمعت صوتــه يصرخ ... !!
: تعاااااال بسسسسرعه ....


:
:
في الجزء الثاني تكون بقيه القصه

fsNl>>juNg>>glgl frJJhdN YksNk ! fsNljuNgglgl frJJhdN YksNk


توقيع : » لَمْسَـٍـٍـٍـٍٍـﮧ حنـٍـٍـٍآרּ ••

يآخذوون كل آللي ..( يبونه )..

.................... كل هآلعآلم ..( وكونه )..

إلا [ نــوآف ] ..( يتركونه )..




........................ .......نقرتين لعرض الصورة في صفحة مستقلة.................................نقرتين لعرض الصورة في صفحة مستقلة...... .................................................. .........

رد مع اقتباس
إضافة رد

مواقع النشر (المفضلة)

الكلمات الدلالية (Tags)
بسآمتعآللملم, بقــايآ, إنسآن


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أح‘ـسْآسْيـﮯ• بَقْرٍرٍبـڪَ « يخ‘ـليـًٍَﮯ هآلدنيآ { ~أمآآכּ .... ‏мś.пōпό © مدونات الاعضــاء Member Blogs 0 08-18-2010 04:02 AM
ۉ إن بغ‘ـيت تع‘ـرف أي إنسآن «~ . . . ۉش هـۉ طآلع‘ـه «~ لآقآم يسرد ذڪريآته ~! » لَمْسَـٍـٍـٍـٍٍـﮧ حنـٍـٍـٍآרּ •• قسم الشعر والقصيد 2012 Poetry 1 11-19-2009 12:03 AM
فرنسية تسلم على يد سكير !!! مجرڍ, آنــ௰ــآنً الواحة الإسلامية 0 10-27-2009 04:17 PM
«• غريب يا/ إنسآن •» مجرڍ, آنــ௰ــآنً نكهة الحوار الفكري 7 10-16-2009 03:15 AM
لآ تدمر حيآتگ إن غآب عٍنگ إنسآن تحبهـِ ..، Exceptional نكهة الحوار الفكري 9 09-26-2009 02:47 AM

ترتيب الموقع عالميا
     

RSS RSS 2.0 XML MAP HTML  PHP  INFO GZ Site_Map SITMAP SITMAP2 TAGS DIRECTORY


الساعة الآن 05:06 AM.

أقسام المنتدى

نكهة عامة @ نكهة الحوار الفكري @ نكهة شبابية @ الملعب المحلي - كرة القدم العربية football 2012 @ معرض السيارات - دراجات - Motorcycles - Cars @ النكهة الأدبية @ قسم الشعر والقصيد 2012 Poetry @ خواطر - خواطر رومانسية - عذب الكلام @ قصص - حكايات - روايات - Stories - Novels @ الواحة الإسلامية @ الشعر الصوتي - مرئيات أدبية Audio 2012 @ نكهة اجتماعية @ عالم حواء العام - العناية بالبشرة - رشاقتك - إكسسوارات 2012 @ ديكور - أثاث منزلي - غرف نوم - مطابخ - حدائق @ نكهة ترفيهية @ الدجه والصرقعة وسعة الصدر 2012 @ لاند نكهة نت ،العاب , ألغاز , تسالي @ استوديو نكهة نت - صور - كاريكاتير @ نكهة الكمبيوتر والتصميم والجوال @ منتدى الكمبيوتر والانترنت ,تطوير المواقع @ الاتصالات و الجوال @ ماسنجر ، الياهو ، ماسنجر لايف Yahoo MSN Messenger 2012 @ الأقسام الإدارية @ منتدى التعارف والترحيب @ خبر عاجل - الأخبار المثيرة - عالم الجريمة والحوادث 2012 News @ مطبخ نكهة نت- حلويات - عصيرات - معجنات - ساندويتشات @ منتدى المشرفين @ خدمات الاعضاء - شروحات إدارية - نكهة نت @ منتدى المحذوفات والمواضيع المكرره @ ملحقات التصميم Brushes , Textures , Patterns , Styles , Color Swatches , Filters , Fonts 2012 @ عآلم التصميم Photoshop Flash Swish 2012 @ اا .. دورة فوتـوشـوب ..اا @ .::::【 عَـآلمـْ السبّيسـآتْ 】::::. @ مشاكل الماسنجر والحلول @ مدونات الاعضــاء Member Blogs @ {..لـِمَنْ يـجـْـرؤٍ فقط..!! @ نكهة الإتصالات @ برودكاست بلاك بيري | broadcast blackberry 2012 @ البلاك بيري | black berry @ أيفون | 2012 iPhone @ ايباد و جلاكسي تاب IPAD , Galaxy Tab l @ قسم الشكاوي والإقتراحات @ ركن معلمات و طالبات رياض الأطفال @ ركن طالبات الدراسات @ كلام العدسة @ المواقع الإجتماعية @ مواقع التواصل الإجتماعي facebook Netlog Twitter Flickr Myspace @ مواقع الزواج والتعارف l Qiran.com‬‏ Muslima.com‬‏ l @ برامج التواصل هوز هير ... واتس اب بي بي Whos Here WhatsApp bb @



Powered by vBulletin® Copyright ©2000 - 2019, Jelsoft Enterprises Ltd
 RSS Search


Content Relevant URLs by vBSEO 3.3.2